லால் ஏட்டனுடன் நடிக்கணும் - அஜித்!

தமிழ்த் திரையுலகைச் சேர்ந்த பலரும் தல அஜித்துடன் நடிக்கும் வாய்ப்புக்கிடைக்குமா என்று எதிர்பார்த்துக் காத்திருக்கும் இந்த வேளையில் அவர் மலையாள சூப்பர் ஸ்டாரான மோகன்லாலுடன் நடிக்க விரும்புவதாகத் தகவல்கள் வெளியாகியுள்ளன.


தமிழில் எப்படி ரஜினியும் கமலும் டாப் நடிகர்களோ அதைப் போல மலையாளத்தில் மம்முட்டியும், மோகன்லாலும் மிக முக்கிய நடிகர்கள்.


இளையதளபதி - காஜல் அகர்வால் நடிப்பில் கடந்த ஜனவரி மாதம் வெளியான ஜில்லா திரைப்படத்தில் மோகன்லாலுடன் இணைந்து விஜய் நடித்திருந்தார். ஜில்லா திரைப்படத்தில் மோகன்லாலின் அட்டகாசமான நடிப்பினைப் பார்த்தபிறகு தல அஜித்திற்கும் அவருடன் இணைந்து நடிக்கும் ஆர்வம் ஏற்பட்டுள்ளதாகக் கூறப்படுகிறது.


தல அஜித் தற்பொழுது கௌதம் வாசுதேவ் மேனன் இயக்கும் படத்தில் நடிப்பதற்காகத் தயாராகிவருகிறார். எய்ட் பேக்ஸ் உடற்கட்டுடன் கட்டுமஸ்தான போலீஸ் அதிகாரியாக அஜித் நடிக்கவிருப்பதாகக் கூறப்படுகிறது. இப்படத்திற்காக சால்ட் அண்ட் பெப்பர் ஹேர் ஸ்டைலிலிருந்து மற்றொரு அழகான ஹேர் ஸ்டைலுக்கு மாறவிருக்கிறார்.


தன்னுடன் நடிக்கவிரும்பு இளம் நடிகர்களின் ஆசையைத் தானே நிறைவேற்றி வைக்கும் தலயின் ஆசையும் விரைவில் நிறைவேற ரசிகர்கள் எதிர்பார்க்கிறார்கள்.