‘வாலு’வின் எக்கச்சக்க எதிர்பார்ப்பு!

சிம்பு, ஹன்சிகா மோத்வானி இணைந்து நடித்துக்கொண்டிருக்கும் படம் ‘வாலு’. இப்படத்தை விஜய் சந்தர் இயக்கி வருகிறார். தமன் இசையமைத்திருக்கிறார். இப்படத்தின் புரமோ பாடலை சிம்பு, காதலர் தினத்தன்று இணையதளத்தில் வெளியிட்டுள்ளார்.


சிம்பு ‘வாலு’ படத்தில் இடம் பெற்றுள்ள ‘லவ் என்றவன் நீ யாருடா’ என்னும் பாடலின் ஆடியோ ஏற்கனவே வெளியாகி ரசிகர் மனதில் இடம்பிடித்து பெரும் வரவேற்பை பெற்றது. தற்போது இப்பாடலின் புரமோ வீடியோவை சிம்பு, காதலர் தினத்தில் வெளியிட்டது மேலும் ரசிகர்களின் வரவேற்பை பெற்றுள்ளது. இதற்காக சிம்பு ரசிகர்களுக்கு நன்றி தெரிவித்துள்ளார்.


ஏற்கனவே ரசிகர்கள் மத்தியில் ‘வாலு’ படத்தை பற்றி எதிர்பார்ப்பு உள்ளது. தற்போது வீடியோ மூலம் ரசிகர்கள் மனதில் கூடுதல் எதிர்பார்ப்பை ஏற்படுத்தியுள்ளது.