இம்மாத இறுதியில் படப்பிடிப்புக்கள் ஆரம்பமாகவுள்ள இப்படத்திற்காக அஜித் கடுமையாக உழைத்துவருகிறார். இப்படத்தின் அஜித் போலீஸ் அதிகாரியாக நடிக்கவுள்ளதாகவும், எய்ட் பேக்ஸ் உடற்கட்டுடன் தோன்றவுள்ளதாகவும் ஏற்கெனவே செய்திகள் வெளியாகியுள்ளன.
தற்பொழுது இப்படத்தின் மற்றொரு முக்கியத் தகவலாக பாலிவுட் க்ரைம் திரில்லர் படங்களில் எழுத்தாளராகப் பணியாற்றிவரும் பிரபல எழுத்தாளரான ஸ்ரீதர் ராகவன் இப்படத்தில் இணையவிருப்பதுதான். பல வருடங்களாக மக்களிடம் பெரும் வரவேற்பைப் பெற்றிருக்கும் டி.வி தொடரான சி.ஐ.டி. தொடரின் பல எபிசோடுகளுக்கு இவர் எழுதியுள்ள ஸ்ரீதர் ராகவன், பாலிவுட் படங்களிலும் பணியாற்றிப் புகழ் பெற்றுள்ளார்.
பாலிவுட்டின் ஏக் ஹசீனா தீ, ஏஜெண்ட் வினோத் முதலான க்ரைம் திரில்லர் படங்களில் பணியாற்றியுள்ள ஸ்ரீதர் ராகவன், அஜித் - கௌதம் மேனன் படத்திலும் பணியாற்றவிருப்பதால் இப்படமும் க்ரைம் திரில்லர் வகையாக இருக்கலாம் என ரசிகர்கள் எதிர்பார்க்கின்றனர்.
கௌதம் மேனன் - அஜித் இணையும் இப்படத்தின் ஹீரோயின் யாரென்பது இன்னும் அறிவிக்கப்படாமல் உள்ளது. மேலும் இப்படம் வருகிற செப்டம்பர் அல்லது தீபாவளி ரிலீசாக வெளியிடப்படலாம் எனவும் பேசப்படுகிறது.
0 comments:
Post a Comment