இந்தியில் சஞ்சய் தத்தை வைத்து இயக்கிய படம் அட்டர் பிளாப்பான பிறகு சுதீப்பை ஹீரோவாக்கி புதிய படத்தை ஆரம்பிக்கும் வேலையில் இறங்கினார் ரவிக்குமார். இந்த நேரத்தில்தான் ரஜினியை ரவிக்குமார் இயக்குகிறார் என செய்தி வெளியானது. அதனை ரவிக்குமார் மறுத்தார்.
இது நடந்த சில வாரங்களில் நிலைமை மாறியது. ரஜினியே அழைத்து ரவிக்குமாரிடம் புதிய படம் குறித்துப் பேசினார். ரவிக்குமாரும் ரஜினியை இயக்க சம்மதித்தார். ரஜினியின் தற்போதைய உடல்நிலையை சுதீப்பிடம் எடுத்துக் கூறிய ரவிக்குமார், ரஜினி படத்தை முடித்துவிட்டு சுதீப் நடிக்கும் படத்தை தொடங்கலாம் என கூறியுள்ளார். சுதீப்பும் அதனை ஒத்துக் கொண்டார்.
இந்தத் தகவலை மீடியாவிடம் பகிர்ந்து கொண்ட சுதீப், ரஜினி படத்தில் நான் வில்லனாக நடிப்பதாக இணையத்தில் செய்தி பார்த்தேன். ஆனால் ரஜினி படத்தில் நடிக்கக் கேட்டு இன்னும் யாரும் என்னை அணுகவில்லை என கூறினார்.
சுதீப் கூறியிருப்பதிலிருந்து ரவிக்குமார் ரஜினியை இயக்கவிருப்பது உறுதிப்படுத்தப்பட்டுள்ளது.
0 comments:
Post a Comment