துப்பாக்கி, ஜில்லா உள்ளிட்ட பல்வேறு படங்களில் நடித்திருப்பவர் காஜல் அகர்வால். சமீபத்தில் இவரது தங்கை நிஷாவுக்கு அவரது காதலன் கரண் வலேச்சா என்பவருடன் திருமணம் நடந்தது. அக்காவுக்கு திருமணம் (காஜல்) செய்யாமல் தங்கைக்கு திருமணம் செய்வது ஏன் என்ற போது, நான் சினிமாவில் பிசியாக இருப்பதால் எனது திருமணத்தை தள்ளி போட்டிருக்கிறேன் என்று காஜல் பதில் அளித்தார். நீங்கள் யாரையாவது காதலிக்கிறீர்களா? என்ற போது, யாரையும் காதலிக்கவில்லை என்றார்.
இந்நிலையில் காஜல் அகர்வால் தனது பாய் பிரண்டுடன் துபாயில் சுற்றித் திரிந்த காட்சிகள் இணைய தளங்களில் வெளியாகி பரபரப்பை ஏற்படுத்தி உள்ளன. இதுகுறித்து காஜல் இதுவரை கருத்து தெரிவிக்கவில்லை. அவரது தங்கை நிஷா கூறும்போது, ‘காஜலுக்கு நண்பர்கள் வட்டம் மிகப் பெரியது.
அவர்களுடன் இணைந்து எடுத்து கொண்ட பல்வேறு படங்களை அவரே தனது இணைய தள பக்கத்தில் வெளியிட்டிருக்கிறார். அதுபோல்தான் இந்த படமும். இதை ஊதி பெருக்க பார்க்கிறார்கள். இதுபற்றி யாரும் பெரிய அளவில் கற்பனையை வளர்த்து கொள்ள வேண்டாம். யாரையாவது காதலித்தால் அதை காஜல் தானாகவே முன்வந்து வெளியில் சொல்வார் என்றார். -
0 comments:
Post a Comment